ШҲТ саммитида Мирзиёевнинг таклифига мувофиқ Ёшларга қўшма мурожаат қабул қилинди

Тошкент. 11 июн. ЎзТАГ – Шанхай ҳамкорлик ташкилотининг (ШҲТ) Циндаодаги (ХХР) саммитида Ўзбекистон Президенти Шавкат Мирзиёевнинг таклифига мувофиқ ШҲТ давлат раҳбарларининг Ёшларга қўшма мурожаати қабул қилинди, деб хабар беради Ўзбек телеграф агентлиги (ЎзТАГ).

“ШҲТ Давлат раҳбарлари кенгаши мажлисидан сўнг ҳужжатларни имзолаш маросими бўлди. Саммит натижалари бўйича Циндао декларацияси қабул қилинди. Яна бир қатор ҳужжатлар имзоланди. Ўзбекистон Президентининг таклифига мувофиқ ШҲТ давлат раҳбарларининг Ёшларга қўшма мурожаати қабул қилингани саммитнинг яна бир аҳамиятли воқеаси бўлди”, - дейилади давлат раҳбари матбуот хизматининг хабарида.

Хусусан, Ўзбекистон Республикаси Президенти ҳузуридаги Стратегик ва минтақалараро тадқиқотлар институти директори Владимир Норов ШҲТ Бош котиблигига тасдиқланди. Тожикистон вакили Жумахон Ғиёсов ШҲТ Минтақавий аксилтеррор тузилмаси Ижроия қўмитаси директори этиб тайинланди.

Шанхай ҳамкорлик ташкилотига раислик Қирғизистон Республикасига ўтди.

Сурат манбаи: http://avesta.tj/2017/11/20/rashid-alimov-vstretilsya-v-pekine-s-aktivistami-molodezhnoj-ligi-shos/