ШҲТ Тошкентдаги июн саммити меҳмонлари янги Cadillac автомобилларида олиб юрилади

Тошкент. 25 май. ЎзТАГ – Интернет тармоғида ШҲТ Тошкентдаги июн саммити меҳмонларига хизмат кўрсатиш учун мўлжалланган янги Cadillac автомобилларининг ташилаётганига доир суратлар эълон қилинди, деб хабар беради Ўзбек телеграф агентлиги (ЎзТАГ) Facebookдаги “Водители Ташкента” гуруҳига асосланган ҳолда.

Гуруҳ иштирокчиларининг маълумотларига кўра, гап Тошкентнинг Зангиота туманида туширилаётгани пайқалган 50та Cadillac XTS автомобиллари ҳақида кетмоқда. Автомобиллар қаердан сотиб олинганига доир ҳеч қандай маълумотлар йўқ.

Facebook фойдаланувчилари ушбу янги автомобиллар ШҲТ Тошкентдаги июн саммити меҳмонларига хизмат кўрсатишга мўлжалланган, деб тахмин билдирганлар. Бунга гуруҳда эълон қилинган хужжат (накладной) ҳам ишора қилади. Унда автомобиллар саммитга тайёргарлик доирасида олиб келингани қайд этилган.

Хужжатдаги маълумотга кўра, яна 4 Coach Higer микроавтобуслари ҳам харид қилинган.

Қайд этиш зарурки, АҚШда бундан Cadillac XTSнинг баҳоси $45 мингдан бошланади.