Шавкат Мирзиёев Ангела Меркелга Берлиндаги теракт муносабати билан ҳамдардлик билдирди
Тошкент. 21 декабр. ЎзТАГ – Ўзбекистон Президенти Шавкат Мирзиёев Германия канцлери Ангела Меркелга Берлин шаҳрида юз берган террорчилик ҳаракати натижасида кўплаб инсонларнинг ҳалок бўлганлиги муносабати билан мактуб йўллади. Бу ҳақда Ўзбекистон Республикаси Ташқи ишлар вазирлиги матбуот хизмати хабар берди.
“Ўзбекистон раҳбари самимий таъзия изҳор этиб, ҳалок бўлганларнинг оила аъзолари ва яқинларига ҳамда жароҳатланганларга ҳамдардлик ва далда сўзларини етказиб қўйишни сўраган”, - дейилади ТИВ ҳабарида.
Олдин хабар берилгани каби, воқеа 19 декабрда кечқурун рўй берди. Рождество ярмаркасида йиғилган кишилар устига юк машинаси ҳайдаб юборилди. Ҳайдовчи яширинишга уринди, лекин қўлга олинди. Кабинада бўлган иккинчи киши ҳалок бўлган.
