Шавкат Мирзиёев Ангрен темирйўл вокзалига ташриф буюрди

Тошкент. 1 июнь. ЎзТАГ – 1 июнь куни Ўзбекистон президенти Шавкат Мирзиёев Тошкент вилоятининг Ангрен шаҳрида темирйўл вокзалига ташриф буюрди, дея хабар беради Ўзбек телеграф агентлиги (ЎзТАГ)..

"Давлатимиз раҳбарининг аввалги ташрифи чоғида белгиланган вазифаларга мувофиқ бу ерда улкан бунёдкорлик ишлари амалга оширилди. "Ўзбекистон темир йўллари" акциядорлик жамияти томонидан шаҳар темирйўл вокзали барпо этилди", - дейилади президент матбуот хизмати хабарида.

Таъкидланганидек, Ангрен стратегик муҳим транспорт узелидир. Тошкент билан Фарғона водийсини бир-бирига яқинлаштирган темирйўл вокзали қурилишидан кейин унинг аҳамияти янада ошди. Бундан ташқари, станция бир вақтнинг ўзида 100 йўловчига хизмат кўрсатишга қодир. Кутиш хонасида, она ва бола хонасида, тиббиёт марказида, савдо ва умумий овқатланиш пунктларида замонавий шароитлар яратилган.

"Президентимиз вокзалда йўловчилар ва ишчилар учун яратилган қулайликлар билан танишди. Шу ерда Тошкент вилоятида амалга оширилиши режалаштирилган туризм, энергетика, кимё ва металлургия саноати бўйича истиқболли лойиҳалар тақдимоти бўлиб ўтди", - дейилади хабарда.

Шунингдек, Ш.Мирзиёев "Чорвоқ" эркин туристик зонасида халқаро даражадаги дам олиш масканларини ташкил этиш, шунингдек, Билдирсой, Чимён ва Нанай ҳудудларидаги Франция компаниялари консорциуми иштирокида тоғ чанғи курортини ташкил этиш бўйича йирик лойиҳаларга алоҳида эътибор қаратди.

Сурат манбаи: president.uz