Шавкат Мирзиёев Дональд Трампга табрик йўллади

Тошкент. 5 июл. ЎзТАГ – Куни кеча, 4 июлда, Ўзбекистон Президенти Шавкат Мирзиёев АҚШ Мустақиллиги куни муносабати билан Президент Дональд Трампга табрик йўллади, деб хабар беради Ўзбек телеграф агентлиги (ЎзТАГ).

Бу ҳақида Ўзбекистон Президентининг матбуот хизмати маълум қилди.

Қўшимча қиламизки, АҚШнинг Ўзбекистондаги элчиси Памела Л. Спратлен Тошкентдаги АҚШ Мустақиллиги куни муносабати билан ўтказилган тантанали маросимда АҚШ халқи 4 июлда ўзининг асосий байрамини нишолашини қайд этиб ўтди.

“Биз Американинг буюк географик жойлашуви, хилқимизнинг қувватти ва озодлик, мустақиллиқ ва суверинитетни қадрловчи кўпсонли миллатимизнинг фундаментал бирилигидан келиб чиқувчи кучни байрам қиламиз. Лекин 242 йиллик тарихимизда биз қувонч ва синовлар пайтида ҳамкорларимизнинг ҳам қадрига етишни ўргандик. Ҳар доим шундай бўлган ва бўлиб қолади”, - деб таъкидлади АҚШ элчиси.

Эслатиб ўтамизки, АҚШ Мустақиллик куни 1776 йилда АҚШнинг Буюк Британия Қироллигидан мустақиллигини эълон қилувчи АҚШ Мустақиллик Декларациясининг қабул қилинган кунидир. Америка Қўшма Штатларида 4 июл куни нишонланади. Мустақиллик куни Америка Қўшма Штатларининг эркин ва мустақил давлат сифатида туғилган куни деб қаралади. Аксарият америкаликлар ушбу байрамни “тўртинчи июл” деб аташади. Байрам мушакбозликлар, парадлар, барбекюлар, карнаваллар, ярмаркалар, пикниклар, концертлар, бейсбол учрашувлари, оилавий учрашувлар, сиёсатчиларнинг халққа очиқ мурожаатлари ва АҚШ учун анъанавий бўлган бошқа маросимлар билан бирга кечади. Мустақиллик куни – АҚШнинг миллий байрамидир.

Сурат манбаи: https://rueconomics.ru/category/world/3859