Шавкат Мирзиёев ЭКСПО-2017нинг очилишида иштирок этди

Тошкент. 12 июн. ЎзТАГ – Ўтган жума куни  Ўзбекистон Президенти Шавкат Мирзиёев Остонада (Қозоғистон) ЭКСПО-2017 кўргазмасининг очилишида иштирок этди, деб хабар беради Ўзбек телеграф агентлиги (ЎзТАГ) давлат раҳбарининг матбуот хизматига асосланган ҳолда.

“Кўргазманинг асосий мавзуси “Келажак энергияси” деб номланган. Энергия истеъмоли муаммоси жаҳон ҳамжамиятини ташвишга солаётгани энг долзарб масалалардан биридир. Бу борада дунё ҳамжамияти томонидан самарали фаолият олиб борилмоқда”, - дейилади хабарда. 

Хабарда таъкидланишича, Ўзбекистон кўргазма ишида фаол қатнашмоқда. “Мамлакатимизда ишлаб чиқарилган маҳсулотларнинг намойиши учун икки қаватли бино ажратилган. Ўзбекистон павильонининг биринчи қавати 630 квадрат метр майдонни эгаллаган. Бу ерда қуёш, шамол ва сув, яъни келажак энергияси маҳсулотлари намойиш этилмоқда. Мамлакатимиз павильонидан ўрин олган қуёш энергияси стенди 2030 йилда автомобилларни қуёш нури ёрдамида қандай қувватлантириш мумкин экани амалда намойиш этилмоқда ва бу кўргазма иштирокчиларида катта қизиқиш уйғотаётир”, - дейилади хабарда. 

“Умумий майдони 550 квадрат метрни ташкил этган иккинчи қаватда мамлакатимизнинг транспорт ва логистика, туризм соҳалари ҳамда озиқ-овқат, вино ва шарбат тайёрлаш саноатида эришилган ютуқлар, миллий таомларимиз намойиш этилмоқда”, - деб таъкидлашди Ўзбекистон президентининг матбуот хизматида.

Эслатиб ўтамизки, КСПО-2017да дунёнинг 120 зиёд мамлакатлари қатнашишмоқда.