Шавкат Мирзиёев экстремистларни фуқароликдан маҳрум этишни таклиф қилди

Тошкент. 6 июн. ЎзТАГ – Ўзбекистон Президенти Шавкат Мирзиёев радикал диний экстремистик гуруҳларга қўшилган кишиларни фуқароликдан маҳрум этишни таклиф қилди, деб хабар беради Ўзбек телеграф агентлиги (ЎзТАГ).

У ушбу баёнотни 3 июнда Андижон вилояти ҳокимиятидаги йиғилишда қилди.

 “Мисол учун, агар бешта маҳаллада 20-30 нафар киши ҳақ йўлдан адашган  бўлса, айтиш мумкинки, йигирматадан бештаси ашаддий, улар қайтмайди. Улар билан шуғулланиш керак эмас, Ўзбекистон фуқаролигидан чиқариш керак. Бизга керак эмас. Мен (уларни фуқароликдан) чиқаришга тайёрман”, - деди у.

 Мирзиёев нутқида имомлар ва ҳокимият вакилларига уларнинг “энг ашаддийларини Ўзбекистон фуқаролигидан чиқариш бўйича таклифлар” киритишга чақирди.

 Давлат раҳбарининг айтишича, жамият адашгантирилганлар ва турли диний оқимларга қўшилиб кетганларни қайтариш учун ҳаракат қилиши зарур. Албатта энг “ашаддийлар” бундан мустасно.