Шавкат Мирзиёев Гельмут Колнинг вафоти муносабати билан таъзия билдирди
Тошкент. 19 июн. ЎзТАГ – Ўзбекистон Президенти Шавкат Мирзиёев ГФР мобиқ Федераль канцлери Гельмут Колнинг вафоти муносабати билан таъзия билдирди, деб хабар беради Ўзбек телеграф агентлиги (ЎзТАГ).
“Германия Федератив Республикаси собиқ Федераль канцлери Гельмут Колнинг вафоти ҳақидаги хабарни чуқур қайғу билан қабул қилдим. Жаноб Кол бизнинг хотирамизда жаҳон миқёсидаги йирик сиёсий лидер ва ГФРнинг машҳур давлат арбоби сифатида қолади. Унинг номи билан Германиянинг бирлашиши ва Европа Иттифоқининг яралиши каби жаҳон тариҳидаги муҳим сиёсий воқеалар чамбарчас боғлиқ”, - дейилади ўзбек етакчисининг Германия Федератив Республикасининг Федерал Президенти Франк-Валтер Штайнмаерга йўллаган мактубида.
У, шунингдек, давлатларимиз ва халқларимиз ўртасида узоқ муддатли шериклик ва дўстона алоқалар ўрнатилиши ва ривожланишида беқиёс ҳисса қўшган, деб ёзади Мирзиёев.
“Менинг таъзиямни қабул қилишингизни ҳамда жаноб Колнинг оила аъзолари ва яқинларига, бутун Германия халқига самимий ҳамдардлик сўзларини етказишингизни сўрайман”, - деб хулоса қилади Ўзбекистон Президенти.
