Шавкат Мирзиёев квартираларни мусодара қилишни бекор қилди
Тошкент. 18 октябр. ЎзТАГ – Ўзбекистон Президенти Шавкат Мирзиёев жиноят қуроли сифатида фойдаланилган квартираларни мусодара қилишни бекор қилди, деб хабар беради Ўзбек телеграф агентлиги (ЎзТАГ).
Бу давлат раҳбари имзолаган “Баъзи қонунчилик ҳужжатларига ўзгартиш ва қўшимчалар киритиш тўғрисида”ги қонун билан кўзда тутилган. Олдин Ўзбекистон Жиноят-процессуал кодексининг 211-моддаси 1-қисмига кўра, жиноят қуроллари мусодара қилинар эди.
Киритилган ўзгартишлар натижасида гумондор, айбланувчи, судланувчи, ҳукм қилинган шахсларга тегишли жиноят қуроллари мусодара қилинади.
Гумондор, айбланувчи, судланувчи, ҳукм қилинган шахсга тегишли бўлмаган мол-мулклар қонуний эгалари, унинг меросхўрларига қайтарилади.
Ўзбекистон Маъмурий жавобгарлик кодексининг 27-модда 1-қисми эндиликда “ҳуқуқбузарга тегишли бўлмаган буюмлар олиб қўйилмайди”, деган таҳрирда қабул қилинди.
Аммо мусодарага доир янги ўзгартишлар суд қарори қонун расман эълон қилинган санага қадар кучга кирган жиноий ишлар, шунингдек, маъмурий ишларга тааллуқли эмас.
