Шавкат Мирзиёев Навоий вилоятига янги ҳоким тайинлади
Дата: 22:39, 26-12-2016.
Тошкент. 26 декабр. ЎзТАГ – Ўзбекистон Президенти Шавкат Мирзиёев Қобул Турсуновни Навоий вилоятининг ҳокими этиб тайинлаш тўғрисидаги фармонга имзо чекди, деб хабар беради Ўзбек телеграф агентлиги (ЎзТАГ).
“Ўзбекистон Республикаси Президенти Шавкат Мирзиёев тавсияси, шунингдек, халқ депутатлари Навоий вилояти Кенгашининг қарорига мувофиқ, Қобул Турсунов Навоий вилояти ҳокими этиб сайланди”,- дейилади хужжатда.
Бундан олдин Қ.Турсунов Олий Мажлис Сенатининг Бюджет ва иқтисодий ислоҳотлар қўмитаси раиси лавозимида ишлаб келган. Вилоятнинг олдинги ҳокими Эркинжон Турдимов 16 декабрда Сурхандарё вилояти ҳокими этиб тайинланган эди.
