Шавкат Мирзиёев президент Атамбоевга Қирғизистонга давлат ташрифи якунлари юзасидан миннатдорчилик мактуби йўллади
Тошкент. 13 сентябр. ЎзТАГ – Ўзбекистон Республикаси президенти Шавкат Мирзиёев Қирғиз Республикаси президенти Алмазбек Атамбоевга ўзининг Қирғизистонга давлат ташрифи якунлари юзасидан миннатдорчилик мактуби йўллади, деб хабар қилинади ҚР президенти сайтида.
“Ҳақиқатдан ҳам ушбу ташриф мамлакатларимиз ва халқларимиз ўртасидаги анъанавий яқин ва дўстона муносабатлар ривожида тарихий воқеа бўлди, ва албатта, ўзбек-қирғиз ҳамкорлигини сифат жиҳатдан янги босқичга олиб чиқди”, - дейилади хабарда.
Мактубда самимий, очиқ ва ишончли муҳитда бўлиб ўтган самарали муҳокамалар давлат раҳбарлари ўртасидаги Самарқанд, Пекин ва Остонадаги мулоқотларнинг мантиқий давоми бўлди, деб қайд этилган. Қирғизистон парламенти ва ҳукумати раҳбарлари билан учрашувлар эса тарафларнинг иккитомонлама ҳамкорликни мустаҳкамлаш ва қўшма лойиҳаларни илгари суришга бўлган интилишини намоён қилди.
Ўзбекистон раҳбари Шавкат Мирзиёев миннатдорчилик мактубида олий даражадаги ташрифнинг муваффақиятли бўлганини қониқиш билан қайд этди.
Давлат чегараси тўғрисидаги имзоланган шартнома бутун Марказий Осиё минтақасида тинчлик, барқарорлик ва барқарор ривожланишни таъминлаш учун улкан тарихий аҳамиятга эга эканлиги қайд этилди ва икки давлат раҳбарларининг метин сиёсий иродаси, бир-бирларининг манфаатларини ҳисобга олишга, мураккаб масалаларнинг ўзаро манфаатли ечимларини топишга тайёрликлари ортида тузилди.
Ўзбек томони давлат чегараларининг қолган қисмларини якуний келишиш ишларини энг қисқа вақт ичида якунлаш ниятини билдирди.
“Мен халқ дипломатияси масалаларини қўллаб-қувватлаганингиз, парламентлар, вилоятлар ва ишбилармон доиралар ўртасидаги алоқаларни фаоллаштириш, савдо ҳажмини ошириш, иқтисодиётнинг устувор тармоқларида ҳамкорликни лойиҳаларини амалга ошириш йўлидаги, шунингдек, маданий-гуманитар соҳасидаги қўшма дастурлар учун Сиздан чин дилдан хурсанд ва миннатдорман”, - дейилади мактубда.
Шунингдек, Ўзбекистон раҳбари Ўзбекистон ҳукуматига музокаралар ва учрашувлар якунида эришилган битимларни тўлақонли амалга ошириш бўйича “йўл харитаси” ишлаб чиқиш ва қабул қилиш, кўплаб келишувлар тўпламини имзолашни топширганини хабар қилиб, Бишкекда бўлган чоғида қирғиз томони кўрсатган алоҳида илиқлик ва самимий меҳрибонлик учун миннатдорчилик билдирди.
Шавкат Мирзиёев президент Алмазбек Атамбоевнинг Қирғизистон Республикаси ва Ўзбекистон Республикаси ўртасидаги қардошлик муносабатларини ривожлантириш ва мустаҳкамлашга қўшган саъй-ҳаракатлари ва шахсий ҳиссасини юқори баҳолашини таъкидлаб ўтди.
“Мен кўп қиррали ўзбек-қирғиз ҳамкорлигини янада ривожлантиришга қаратилган мулоқотни давом эттириш учун сизнинг Ўзбекистонга жавоб давлат ташрифингизни интиқиб кутяпман”, - дейилади хатда.
