Шавкат Мирзиёев президентликка номзод қилиб кўрсатилди
Тошкент. 16 сентябр. ЎзТАГ – Вақтинчалик Ўзбекистон раҳбари вазифасини бажарувчи Шавкат Мирзиёев президентликка номзод қилиб кўрсатилди, деб хабар беради Ўзбек телеграф агентлиги (ЎзТАГ) МСКга асосланган ҳолда.
“Ўзбекистон Либерал-демократик партияси (ЎзЛиДеп) Сиёсий Кенгашининг навбатдаги мажлисида Шавкат Мирзиёев президентликка номзод қилиб кўрсатилди”, - дейилади комиссиянинг Facebookдаги хабарида.
Олдин хабар берилгани каби, жорий йилнинг 4 декабрида Ўзбекистонда муддатидан олдинги президент сайловлари бўлиб ўтади.
Эслатиб ўтамизки, 2 сентябрда Ўзбекистонда президент Ислом Каримовнинг инсульт оқибатида вафот этгани хабар қилинган эди. Мамлакатни 26 йилдан ортиқ бошқарган республиканинг биринчи президенти туғилган юрти Самарқандда 3 сентябрда дафн этилди.
Кейинчалик бош вазир Шавкат Мирзиёев Вақтинчалик Ўзбекистон президент вазифасини бажарувчи этиб тайинланди.
Ш.Мирзиеев 2003 йилдан бери республика бош вазири лавозимида ишлайди. 2015 йилги парламент сайловлари натижалари бўйича шу йил январда яна Ўзбекистон бош вазири қилиб тасдиқланган эди.
