Шавкат Мирзиёев Урганчда арзон уйлар қурилиши лойиҳасини муҳокама қилди
Тошкент. 29 сентябр. ЎзТАГ – Кеча, 29 сентябрда Ўзбекистон Президенти вазифасини бажарувчи Шавкат Мирзиёев Урганчда қишлоқ жойларда кам таъминланган оилалар учун мўлжалланган якка тартибдаги арзон уй-жойлар қурилиши лойиҳаларини муҳокама қилди, деб хабар беради Ўзбек телеграф агентлиги (ЎзТАГ).
“Мирзиёев Хоразм вилоятида Урганч шаҳрида яқин йилларда қурилиши режалаштирилаётган кўп қаватли уйлар лойиҳаси кўриб чиқди. Шу билан бирга қишлоқ жойларда кам таъминланган оилалар учун мўлжалланган муҳандислик-коммуникация, ижтимоий ва бозор инфратузилмаси яратилган якка тартибдаги замонавий, шинам уй-жойлар лойиҳалари ҳам муҳокама этилди”, - дейилади Ш.Мирзиёевнинг Қорақалпоғистон Республикаси ва Хоразм вилоятига ташрифи якунларига бағишланган президент сайтида жойлаштирилган ҳисоботда.
Шунингдек, Мирзиёев Қўшкўпир туманида қишлоқ хўжалиги ишларининг бориши билан танишди. Фермерлар билан суҳбатда ер унумдорлигини ошириш, сув ресурсларидан оқилона фойдаланиш, қишлоқ хўжалиги экинларининг юқори ҳосил берадиган навларини экиш масалаларига алоҳида эътибор қаратилди.
