ЎзТАГ
Ўзбек телеграф агентлиги

Шавкат Мирзиёевнинг Қирғизистонга ташрифи 6 сентябрга режалаштирилди

Дата: 16:46, 30-08-2017.

Тошкент. 30 август. ЎзТАГ – Ўзбекистон президенти Шавкат Мирзиёевнинг Қирғизистонга ташрифи 6 сентябрга режалаштирилди, деб хабар беради Ўзбек телеграф агентлиги (ЎзТАГ).

Қирғизистон ҳукумати матбуот хизмати маълумотига кўра, Қирғизистон ва Ўзбекистон бош вазирлари Сапар Исаков ва Абдулла Ариповлар 30 август куни ўзбек тарафи ташаббуси билан телефон мулоқоти ўтказдилар. Унда ҳамкорлик масалалари муҳокама қилинди.

А.Арипов қирғиз ҳамкасбини Қирғизистон ҳукумати раҳбари лавозимига тайинлангани билан табриклади ва унга ишида муваффақиятлар тилади.

Ҳукумат раҳбарлари савдо-иқтисодий, маданий-гуманитар, чегара масалалари кўриб чиқдилар.

Шунингдек, тарафлар кун тартибининг долзарб масалалари юзасидан ҳамкорликка тайёрликларини билдирдилар.

Бундан ташқари, С.Исаков ва А.Ариповлар Ш.Мирзиёевнинг Қирғизистонга ташрифи масаласини муҳокама қилдилар. Ташриф 2017 йилнинг 6 сентябрига мўлжалланган.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди