Шекспир театри Тошкентда “Гамлет”ни намойиш қилади

Тошкент. 28 октябр. ЎзТАГ – 4 ноябрда “Глобус” (Буюк Британия) Шекспир театри актёрлари ижросида Тошкентда “Гамлет” спектаклининг намойиши бўлиб ўтади, деб хабар беради Ўзбек телеграф агентлиги (ЎзТАГ).

Бу ҳақида Тошкентдаги Британ кенгаши ваколатхонасининг матбуот анжуманида маълум қилинди. Спектакл Ўзбекистон Миллий театри саҳнасида бўлиши кутилмоқда.

“Глобус” шекспир театрининг Ўзбекистон пойтахтига келиши Британ кенгаши кўмагида амалга оширилди. Тошкентдаги спектакл “Глобус”нинг глобал ташаббусининг бир қисми бўлиб, Вильям Шекспирнинг 450 йилигига бағишланган. Ушбу сана шарафига театр жаҳон бўйлаб саёҳатга чиққан. У 2014 йилнинг 23 апрелида, яъни Шекспир туғилган кунда бошланган ва 2016 йил 23 апрелда – ёзуви вафотининг 400 йиллигида якунланади.

Ўтган 2 йилда “Гамлет” жаҳоннинг барча мамлакатларида қўйилиб, “Глобус” труппаси 205 давлатга ташриф буюриши режалаштирилган.

“Глобус”нинг келишига Тошкентдаги Британ кенгаши театр форуми уюштирмоқда. У 5-6 ноябрда миллий ҳамкорлар, жумладан, Ўзбекистоннинг 57 театри иштирокида ташкил этилади.