Шинжон физика ва кимё техника институти делегацияси Тошкентга ташриф буюрди
Тошкент. 3 август. ЎзТАГ – Хитой Фанлар академияси Шинжон физика ва химия техника институтининг йирик делегацияси Тошкент шаҳридаги қатор ОТМга ўзаро ҳамкорлик алоқаларини ўрнатиш масалаларини муҳокама қилиш учун ташриф буюрди, деб хабар беради Ўзбек телеграф агентлиги (ЎзТАГ).
Таъкидланишича, музокаралар давомида томонлар икки олий ўқув юртлари ўртасида узоқ муддатли ҳамкорлик алоқаларини ўрнатиш масалаларини муҳокама этдилар.
“Икки ўқув юрти вакиллари хитойлик профессорларнинг IUTда лекцияларини ташкил этиш, IUT талабалари учун Хитой университетларида ёзги мактаблар ташкил этиш, ҳамда IUT битирувчиларига Хитойнинг етакчи университетларида ўқишларини давом эттиришга имконият яратиш масалаларини муҳокама этдилар. Шу билан бирга, улар IUTнинг профессор ва ўқитувчиларининг Хитойда малака оширишлари ва улар учун ахборот технологиялари, математика ва физика йўналишлари бўйича докторантурада таълим олишларига оид масалаларни ҳам муҳокама этдилар”, - деб таъкидлашди Олий таълим вазирлигида.
Шунингдек, томонлар ўзаро ҳамкорлик масалаларини муҳокама этиш учун Ўзбекистонга Хитой университетлари вакиллари делегациясининг ташрифини ташкил этишга келишиб олдилар.
