Швайнштайгер ва Гризманн Францияни Евро-2016 финалига олиб чиқди

Тошкент. 8 июл. ЎзТАГ – Тўлқин Ташимов. Швайнштайгер ва Гризманн Францияни Евро-2016 финалига олиб чиқди. Немис яримҳимоячиси  болаларча хатога йўл қўйди, француз футболчиси эса ҳақиқий “қотил инстинкти”ни намойиш қилди.

 Агар биринчи таймни таҳлил қилсак, Германия термасининг анча катта устунлигини таъкидлаб ўтиш керак. Биринчи хужум “ёмғир”ларини бартараф қилган жамоа ташаббусни ўз қўлига олди. Устунлик шунча катта эдики, Уго Льорис дарвозасига гол кирадиган пайт яқинлашиб келаётгандай туюлган эди.

Лекин кўпчилик кутган воқеа содир бўлмади.

Гап шундаки, Германия термасининг бош тренери Йоахим Лев марказий хужумчи муаммосини ҳал қила олмади. Шу билан бирга, жароҳатланган Гомес ўрнига бундестим хужумларига нуқта қўйиш вазифасини Томас Мюллер зиммасига олди. Айнан унинг ўзи бутун ўйин давомида ҳеч нима қила олмади. Тўғри, қаттиқ ҳаракат қилди, лекин натижа бўлмади.

Футболда эса “сен урмасанг –сенга уришади”, деган ибора бор...

Биринчи таймда французлар бурчак тўпини амалга оширган пайтда Бастиан Швайнштайгер қўлини олдинга чиқарган ҳолда юқорига сакради. Телевизион қайтариқда у рақибга боши билан ўйнашга ҳалақит беришни истагандай кўринди. Лекин аслида, француз ҳатто боши билан ўйнаганида ҳам гол уриши гумон эди.

Бироқ Бастиан қўли билан ўйнади, Антуан Гризманн эса пенальтидан гол киритди.

Иккинчи тайм бошидан немислар яна ташаббусни қўлга олдилар, французларга босим ўтказиб, уларни дарвозалари олдига “қамаб” қўйишди...Лекин на Месут Озилнинг креативлиги, на Швайнштайгернинг ҳаракатлари, на бутун немис жамоасининг илҳомли ўйини Льорис дарвозаси олдида 100% голли вазиятларга олиб келмади.

Ўз навбатида, Дидье Дешам шогирдлари ақлли ўйин кўрсатдилар ва ниҳоят Нойер дарвозаси олдида яна бир имконият яратдилар. 70-дақиқада бундестим ҳимоячилари ўз дарвозалари олдида тўп узатишда хатога йўл қўйишди. Тўпни қўлга киритган Погба зарба берди, Нойер эса уни айнан Гризманннинг ўнг оёғида қараб қайтарди.

Ва ҳисоб учбайроқлилар фойдасига 2:0 айланди.

Кейин Германия термасининг кўплаб хужумлари бошланди. Агар вазиятлардан унумли фойдаланганликларида бир эмас, бир неча гол киритишлари мумкин эди. Лекин “немис машинаси”да нимадир синиб қолгандай таассурот пайдо бўлди. Гол киритишнинг эса ҳеч иложи бўлмади. Шу сабабли ҳам Марселдан Парижга – Евро-2016нинг финал ўйинига турнир мезбони Франция боради.

Ўйин якунлари бўйича қуйидагиларни айтиб ўтиш мумкин.

Нима бўлганда ҳам Йоахим Левни мағлубиятда айблаш мумкин эмас. Ўрта чизиқда кучли ўйинчилари бўлган ҳолда, у Гомесни хужумда ҳеч ким билан алмаштира олмаслиги маълум бўлиб қолди. Мюллер эса бутун турнир давомида нафақат ёмон, балки умуман тутуруқсиз ўйин кўрсатди.

Немислар ёмон ўйнамадилар, лекин голга урғу бера олмадилар.

Ўз навбатида, айнан Дидье Дешам шогирдларини ярим финалга ажойиб формада олиб келишга эришган мураббий бўлиб чиқди. Жамоа бир танадай ҳаракат қилган ҳолда рақиб хатоларини қидириб топа олди ва улардан тўғри фойдаланди. Шу сабабли Гризманннинг икки голини ҳақли дейиш мумкин.

 Французлар яримфиналда унчалик чиройли футбол кўрсатганлари йўқ, лекин Гризманнинг тўғри гол сезгиси унга пенальтини аниқ тепишга ва зарур пайтда керакли жойда бўлишига имкон берди.

 Финалда французларнинг прагматик футболи португалларнинг прагматик футболига қарши келганда қандай натижа чиқишига икки кундан кейин “Стад де Франс” жавоб беради.

Маълумот ўрнида, учинчи ўрин учун ўйин эса умуман ўтказилмайди.

Чемпионатнинг финал ўйини 11 июлда “Стад де Франс” стадионида бўлиб ўтади.