Швецариянинг федерал суди Гулнора Каримованинг суперкарларини сотмасликка қарор қилди ва прокурорга қаршилигини эълон қилди
Тошкент. 29 апрель. ЎзТАГ – Швецария федерал суди Ўзбекистоннинг биринчи президентининг қизи Гулнора Каримованинг суперкаларини сотувини бекор қилди ва прокурор Патрик Ламонга раддия билдирди, дея хабар беради Ўзбек телеграф агентлиги маҳаллий ОАВ маълумотларига таяниб.
“Швецария жиноят суди (TPF) иккита муҳим қарорни қабул қилди. Биринчиси, Гулнора Каримованинг учта суперкар сотуви бекор қилинди. Умумий қиймати 1 млн швецар франкидан ошиқ бўлган Mercedes-Benz SLR2DR, Bentley Arnage ва Range Rover Sport V8 автомашиналари Гулнора Каримова томонидан 2009 йилда 18,2 млн франк эвазига харид қилинган Колоньи поместьеси ҳудудида қолди. TPFнинг қайд этишича, авомашина калитлари 2013 йилда мусодара қилинган”, - дейилади хабарда.
Суд, шунингдек, бу иш билан шуғуланаётган прокурор Патрик Ламоннинг ишдан четлатди. Бунинг сабаби у 2018 йилнинг сентябрида Ўзбекистонга норасмий ташрифидир. Тошкентга П.Ламон билан конфедерация бош прокурори Микаэл Лаубер ва бир неча ҳамкасблари билан борган.
Таъкидланганидек, мазкур ташрифдан мақсад нима эканлигини бўйича тушунтириб бера ололмаган. Натижада Ламон бу ишдан четлаштирилган.
Ўша вақтдан бошлаб Гулнора Каримова ҳисоби музлатилган. 2018 йилнинг июлида унинг адвокати Грегуар Манжа Гулнора Каримованинг ҳимояси билан боғлиқ харажатларни қоплаш учун 500 млн франкни блокировкадан халос этишни сўраб сўров юборган. Лекин прокуратура рад жавоб берган ва буни тергов натижаларига кўра музлатилган бу пуллар жиноий йўллар билан қўлга киритилгани эҳтимоли юқори эканлигини тушунтирган.
Эслатиб ўтамиз, 2019 йилнинг апрль ойи бошларида адвокат Грегуар Манда Тошкент вилояти Зангиота тумани 21-аёллар колониясига борганида, Г. Каримовани 5 март куни уй қамоғидан шу ерга ўтказишган эди.
Ўзбекистон Республикаси Бош прокуратураси 5 йилга озодликдан маҳрум этилган Г. Каримова жазони қизи Имоннинг уй манзилида ўташи керак бўлган. Г. Каримова озодликни чеклаш қоидаларини бузганлиги, чунончи, уйни тарк этгани, алоқа воситалари ва интернетдан фойдалангани учун колонияга ўтказилган.
Сурат манбаи: lenta.ru
