Швециянинг Axis Communications ширкати Тошкентдаги Инха Университети билан ҳамкорлик қилишни режалаштирмоқда
Тошкент. 13 май. ЎзТАГ – Axis Communications швед компаниясининг Россия ва МДҲ мамлакатларида сотувлар бўйича директори Дмитрий Стрельцов бошлиқ делегацияси Тошкентдаги Инха Университети (IUT) ректори Шерзод Шерматов билан музокаралар ўтказди, деб хабар беради Ўзбек телеграф агентлиги (ЎзТАГ).
“Музокаралар вақтида томонлар IUT ва Axis Communications компаниялари ўртасида ҳамкорлик алоқаларини ўрнатиш истиқболларини муҳокама этдилар. Дмитрий Стрельцов IUTда Axis Communicationsнинг ечимларини тақдим этувчи махсус худуд тузиш, ҳамда Ўзбекистондаги талабалар ва видеокузатув соҳаси мутахассислар учун ўқув семинарлари ва тадбирлар ўтказишни таклиф қилди”, - деб таъкидлашди университетда.
Томонлар ўзаро ҳамкорликни белгилаб берувчил “йўл харитаси”ни ишлаб чиқишга келишиб олдилар.
Маълумот ўрнида, Axis Communications дунёдаги видеокузатув ечимлари бозорининг етакчисидир. Ушбу компания 1996-йилда илк IP видеокамерани ишлаб чиқарган.
