“Силовые машины” АЖ Сирдарё ИЭСнинг 6 энергоблокини модернизация қилади
Тошкент. 17-ноябр. ЎзТАГ – 2018-2020 йилларда Россиянинг “Силовые машины” компанияси Сирдарё ИЭСнинг 6 энергоблокини тўлиқ якунлагунга қадар босқичма босқич модернизация қилади, деб хабар беради Ўзбек телеграф агентлиги (ЎзТАГ).
“Компания 3-6, 9 ва 10 энергоблокларнинг турбина, генератор, қозон ускуналари ва бошқа ёрдамчи ускуналарни модернизация қилиш бўйича ишларни бажаради. Шунингдек, технологик жараёнларни бошқаришнинг автоматлаштирилган тизими жорий қилинади, автоматик назорат қилиш тизими реконструция қилинади, қурилиш ва ўрнатиш, бошқариш, ишга тушириш ишлари амалга оширилади ва белгиланган қувватни тасдиқлаш учун кафолат синовлари ўтказилади”, - деб таъкидланади “Силовые машины” хабарида.
“Ўзбекистонда энг йирик энергетика иншоотини модернизация қилиш минтақадаги электр энергия тақчиллигини пасайтиради ва мамлакат энергетика тизимининг ишончлилигини оширади. 2018 йилдан бошлаб “Силовые машины” ҳар йили икки энергоблокни янгилаш мажбуриятини олади, бу ушбу шартнома хусусиятларидан бири бўлиб, бундай иш ҳажми учун анча қисқа вақт”, - деди Россия компанияси бош директори Юрий Петреня.
Модернизация натижасида ҳар бир энергоблок қувватининг кучи 25 МВт дан 325 МВт гача ўсади, бу эса заводнинг умумий қувватини 150 МВтга оширади.
Эслатиб ўтамизки, “Силовые машины” АЖ компанияси дунёдаги этакчи ўнликка кирадиган глобал электроэнергетика компаниясидир. Унинг тарафидан 2150дан ортиқ буғли турбиналар, 2700 турбогенератор, 790 та гидравлик турбиналар ва 600 гидроэнергенераторлар ишлаб чиқарилган. Ширкат Россия ва МДҲ, Шарқий Европа, Ҳиндистон, Вьетнам, Хитой, Лотин Америкаси, Африка мамлакатлари ва бошқа жойларда лойиҳаларни амалга оширган.
