Словакиялик созанда Тошкентда орган мусиқаси концертини берди

Тошкент. 11 апрел. ЎзТАГ – Словакиялик созанда ва композитор Станислав Шурин Тошкентда орган мусиқаси концертини берди, деб хабар беради Ўзбек телеграф агентлиги (ЎзТАГ).

Словакиянинг Ўзбекистондаги элчихонаси берган маълумотга кўра, концерт Давлат Консерваториясининг Орган залида бўлиб ўтган.

У Ўзбекистон Республикаси маданият вазирлиги ва концерт Давлат Консерваторияси ташаббуси билан ташкил қилинди.

Дастурдан Я. Валач, И. С. Бах, Ф. Мендельсон-Бартольди, Л. Яначек, М. Шнайдер-Трнавски ва бошқа композиторларнинг асарлари ўрин олди.

Маълумот ўрнида, Станислав Шурин Братислава Давлат Консерваториясини, Венадаги Епархиаль консерватория ва Иван Сокол бошчилигидаги Братислава Мусиқа ва драма академиясини орган бўйича битирган. Грацда Иоганн Труммернинг синфида маҳоратини оширган.

Кўплаб трансляция қилинган ибодатларда қатнашган. АҚШ, Мексика, Канада ва Париж (Нотр-Дам), Орлеан, Брюссель, Варшава, Оливе, Турин, Санкт-Галлен, Грац каби европа шаҳарларида яккахон концертлар берган.

Словак филармония оркестри билан Тайван миллий симфоник оркестри билан бирга чиқиш қилган.

1999-2002 йилларда Adoramus Teнинг (духовой мусиқа журнали) бош муҳаррири бўлган. Трнава, Пьештяни, Скалица ва Братиславадаги Авлиё Мартини соборидаги фестивалларнинг ташкилотчи ва бадиий раҳбари.

Ҳозирда у Ружомберок шаҳридаги Католик университетда органдан сабоқ беради.

2009 йилда Иоганн Себастьян Бах ижодини оммалаштирганлик учун ArsAntePortas уюшмасининг Sebastian мукофотига сазовор бўлган. Созанда Епископлар Конференциясининг Fra Angelico мукофотининг ҳам соҳиби.

Сурат манбаи: https://sochi.citifox.ru/event/koncert-organnoy-muzyki-5/