Соғлиқни сақлаш вазирлиги Самарқанд вилоятида қизамиқ эпидемиясининг ёйилиш сабабини маълум қилди

Тошкент. 7 август. ЎзТАГ – Ўзбекистон соғлиқни сақлаш вазирлиги Самарқанд вилоятида қизамиқ эпидемиясининг ёйилиш сабабини маълум қилди, дея хабар беради Ўзбек телеграф агентлиги (ЎзТАГ).

Соғлиқни сақлаш вазирлигининг маълумотларига кўра, январдан-5 августгача Самарқанд вилоятида 419 та шубҳали ҳолат кузатилган, улардан 29 таси тасдиқланган. Жаҳон соғлиқни сақлаш ташкилоти (ЖССТ) хулосасига кўра, қизамиқ вируси Ўзбекистонга бошқа мамлакатлардан етказилганлиги тасдиқланган. 2018 йилда республикамизда профилактика ва эпидемияга қарши чора-тадбирлар комплексининг мақсадли ўтказилиши натижасида қўшимча равишда 22310 киши эмланди.

"Самарқанд вилоятида қизамиқ касаллигининг асосий сабаби ҳам хориждан қизамиқ вирусини олиб келинишидир. Қизамиқнинг тарқалишини олдини олиш ва тўхтатиш мақсадида улар билан мулоқотда бўлган 11101 киши эмланди. Ўлим ҳолатлари рўйхатга олинмаган", - дейилади хабарда.

Қайд этилганидек, 2017 ва 2018 йилларда Ўзбекистон қизамиқ ва қизилча касаллиги элиминацияси, яъни ушбу касалликнинг маҳаллий тарзда тўхтатилганлиги тўғрисида сертификат берилган. Унга кўра, Ўзбекистон учун индикаторли кўрсаткич 100 минг нафар аҳоли сонига нисбатан 2 та ҳолатда касаллик тасдиқланиб рўйхатга олиниши мумкин. Бугунги кунда бизда бундай кўрсаткич йўқ.

"Соғлиқни сақлаш вазирлиги қизамиқ тарқалишининг олдини олиш ва эпидемияларни бартараф этиш мақсадида қўшимча равишда 100 минг дозада қизамиқ вакцинасини олинди, жойларда мулоқот қилган шахсларни эмлаш учун ишлатилади. Бундан ташқари, қизамиқ касаллигини ўз вақтида аниқлаш, унинг тарқалишининг олдини олиш ва даволаш, болаларни профилактик эмлаш билан қамраб олиш учун эпидемиологик назорат кучайтирилди", - дейилади хабарда.

Шунингдек, республикада қизамиқнинг олдини олиш ва эпидемияга қарши чоралар давом этмоқда. Давлат томонидан ушбу масалага, шунингдек, ушбу соҳада тўпланган тажриба ва таҳлилларга алоҳида эътибор бериш касалликнинг паст даражада қолиши ва уни бутун мамлакатда йўқ қилиш имконини беради.

Ушбу тизимли тадбирларни амалга ошириш Ўзбекистон соғлиқни сақлаш вазирлиги ва ЖССТнинг қатъий назорати остидадир.

Сурат манбаи: ru.krymr.com