ССП ўзбек тадбиркорларига грузиялик ҳамкасблари билан алоқа ўрнатишга кўмаклашади
Тошкент. 21 декабр. ЎзТАГ – Ўзбекистон Савдо-саноат палатаси (ССП) ўзбекистонлик тадбиркорларга Грузия ишбилармон доиралари билан бизнес алоқаларни йўлга қўйишда кўмаклашишга тайёр, деб хабар беради Ўзбек телеграф агентлиги (ЎзТАГ).
Палата Ўзбекистон тадбиркорларига Грузияда савдо ва инвестиция уйларини ташкил этишда, ўзбек маҳсулотларини Грузия Савдо-саноат палатаси орқали уларга қизиқиш билдирган маҳаллий компанияларга етказиб бериш бўйича савдо таклифларини жўнатишда ёрдам беришга тайёр.
ССП мутахассислари Ўзбекистонда қўшма инвестиция лойиҳаларини амалга ошириш учун грузиялик компанияларни қидириш, Грузияда бўлиб ўтадиган халқаро кўргазмаларда ва ярмаркаларда иштирок этишни ташкил этишда ҳам ёрдам берадилар.
Шунингдек, Ўзбекистон ва Грузиядаги лойиҳаларни биргаликда юритиш ва кенгайтириш бўйича Грузиядан бизнес ҳамкорларни қидириш ва жалб этиш ишлари ҳам қўллаб-қувватланади.
Сурат манбаи: http://www.chamber.uz/ru/news/1666
