Standard & Poor's Ўзбекистон Халқ банки рейтингини тасдиқлади

Тошкент. 1 август. ЎзТАГ – Standard &Poor's Халқаро рейтинг агентлиги Халқ банки давлат-тижорат банкининг халқаро кредит рейтингларини (Халк банк) B+/B “муқобил” прогнози билан тасдиқлади, дея хабар беради Ўзбек телеграф агентлиги (ЎзТАГ) агентликнинг яқинда тарқатилган хабарига асосланган ҳолда.

S&P Халқ банки контрагентининг 2011 йил декабрдаги “В+” даражасидаги узоқ муддатли рейтингини илк маротаба оширди. Ўшанда банкнинг қисқа муддатли рейтинги “В” даражасида, “ижобий” прогнози билан тасдиқланган эди.

Ушбу рейтингларнинг тасдиқланиши катталиги жиҳатдан тўртинчи бўлган ушбу ўзбек банки бизнес-таваккалчиликларининг барқарорлигини акс эттиради. Маълумки, Халқ банки мамлакат банк тизими чакана депозитларининг катта қисмини (30% атрофида) ўзида жамлаган ва аҳоли пенсия жамғармаларини бошқарувчи ягона компания ҳисобланади.

Агентлик ҳукумат яқин 12 ой ичида банк капиталини оширишини кутмоқда.

“Биз Ўзбекистон ҳукуматига кредит рейтинглари бермаслигимизга қарамасдан, Халқ банки рейтинглари даражаси ҳукуматнинг кредитлаш қобилиятининг биз томондан баҳоланиши билан боғлиқ”, - дейилади хабарда.

S&P таҳлилчиларининг фикрига кўра, ўзбек банклари, шу жумладан, Халқ банкининг кредит қобилияти республика ҳукуматининг кредитлаш қобилиятига кўп жиҳатдан боғлиқ.

“Шу сабабли банк рейтингини, агар Ўзбекистон ҳукуматининг кредитлаш қобилияти ошмас экан, оширишимиз гумон”, - деб қайд этди агентлик.

Эслатиб ўтамизки, 2013 йилда Халқ банки миллий бухгалтерлик стандартлари асосида ҳисобланган активларини 28,7% ошириб, 2,766 трлн сўмга, кредитларни 37,4% кўпайтириб, 1,473 трлн сўмга, депозит маблағлари ялпи миқдорини 36,9% ошириб, 2,227 трлн сўмга, ўз капиталини 12,9% кўпайтирган ҳолда 309,8 млрд сўмга етказди.

Банк муассислари Ўзбекистон Молия вазирлиги ва Марказий банк бўлиб, уларнинг улушлари навбати билан 51% ва 49%га тенг.