Сурхандарёнинг ялпи ички маҳсулоти ўсиши 8,4% ташкил қилди – Каримов

Тошкент. 1 июл. ЎзТАГ – 2016 йилнинг биринчи чорагида Сурхандарёнинг ялпи ички маҳсулоти ўсиши 8,4% ташкил қилди, деди Ўзбекистон президенти Ислом Каримов, деб хабар беради Ўзбек телеграф агентлиги (ЎзТАГ).

“Жорий йилнинг биринчи чорагида вилоятда ялпи ҳудудий маҳсулот ўсиши 8,4%, саноат маҳсулоти ишлаб чиқариш 7,6%, қишлоқ хўжалиги маҳсулотлари етиштириш 7,4%, қурилиш-пудрат ишлари 11,5% ташкил этди”, - деб таъкидлади давлат раҳбари 30 июн куни Сурхандарё ва Қашкадарё вилоятларига ишчи ташрифи доирасида.

Таъкидланишича, кичик бизнес ва хусусий тадбиркорликнинг изчил ривожланиши натижасида вилоят ялпи ҳудудий маҳсулотида кичик бизнеснинг улуши 57,4% етган.

Бундан ташқари, хусусий секторда қулай ишбилармонлик муҳити яратилгани, соҳага кўплаб имтиёз ва преференциялар берилаётгани кичик бизнес ва хусусий тадбиркорликнинг изчил ривожланишини таъминламоқда.

“Шу йилнинг биринчи чорагида вилоятда 500га яқин кичик бизнес субъекти ташкил этилди. Тижорат банклари томонидан хусусий секторга 180 млрд сўмга яқин кредит маблағлари ажратилди”, - дкб таъкидлади ўзбек давлати раҳбари И.Каримов.