Сурхондарёда калава ип ишлаб чиқариш йўлга қўйилди
Дата: 17:34, 20-11-2017.
Тошкент. 20 ноябр. ЎзТАГ – Сурхондарёда калава ип ишлаб чиқариш йўлга қўйилди, деб хабар беради Ўзбек телеграф агентлиги (ЎзТАГ) Сурхондарё вилояти ҳокимияти матбуот хизматига асосланган ҳолда.
Mo'min tekstil МЧЖнинг умумий қиймати $5,6 млн бўлган корхонасининг қуввати йилига 3 минг тонна калава ипга тенг бўлади. Корхона 2,9 гектар майдонда жойлашади. Ишлаб чиқарилган маҳсулотнинг бари экспортга мўлжалланган.
Хабар қилинишича, компания замонавий технологик асбоб-ускуналар билан жиҳозланган ва маҳаллий хом-ашёни юқори сифатли қайта ишлашга алоҳида эътибор қаратади.
