Тадбиркор Жаҳонгир Ортиқхўжаев Тошкент ҳокими этиб тайинланди

Тошкент. 2 май. ЎзТАГ – Ўзбекистон президенти Шавкат Мирзиёев Тошкентнинг янги ҳокими Жаҳонгир Ортиқхўжаевни турк тадбиркорларига таништирди, деб хабар беради Ўзбек телеграф агентлиги (ЎзТАГ) маҳаллий ОАВга таянган ҳолда.

Бу таништирув унинг Тошкентда Туркия президенти Режеп Таййип Эрдўғоннинг давлат ташрифи доирасида ўтказилган бизнес-форумда қилган чиқишида бўлиб ўтди.

“Мен Ўзбекистон тарихида биринчи марта ўзим ишонган тадбиркорни Тошкент ҳокими этиб тайинладим. Бунақаси тарихда бўлмаган. Ҳозирги ислоҳотларни тушунадиган, бюрократиядан йироқ, Тошкент шаҳрининг эртанги куни қандай бўлишини тасаввур қила оладиган, замонавий мана шу йигит Ўзбекистонга янгилик еллари олиб кириши, инвесторларни қўллаб-қувватлаши учун тайинланди”, - деб таъкидлади Ўзбекистон президенти.

Сурат манбаи: http://gztslovo.ru/news/y2017/m10/d13/