Таллиннинг “Инфонет” клуби ўзбекистоннинг “Машъал” жамоаси билан шартнома имзолади

Тошкент. 6 феврал. ЎзТАГ – Таллиннинг “Инфонет” клубининг 29 ёшли хужумчиси Владислав Иванов “Машъал” ўзбек жамоаси билан шартнома имзолади, дея хабар беради Ўзбек телеграф агетлиги (ЎзТАГ) эстон клуби сайтидаги маълумотга асосланган ҳолда.

“2014 йилнинг декабрида бизнинг жамоа билан шартномага эга бўлган Владислав Иванов Муборакнинг (Қашқадарё вилояти – ЎзТАГ) “Машъал” жамоаси билан битим тузди”, - деб таъкидланади сайтидаги маълумотда.

Қайд этиш зарурки, хужумчи таллин клубини битта ҳам расмий ўйин ҳам ўйнамасдан тарк этди.

Ўтган мавсумда Иванов “Левадия” жамоаси шарафини ҳимоя қилган бўлиб, 19 гол урган, лекин ёзда клубни тарк этган. Хужумчи янги мавсумга “Инфонет” билан тайёрланган, лекин жамоа унинг “Машъал”га ўтишига қаршилик қилмаган. Олдин бу ҳақида Ивановнинг ўзи ERRга (Эстон миллий телерадиоси) маълум қилган эди. “Орамиздаги келишувга кўра, хориждан яхши таклиф олсам “Инфонет” менга кетишга имкон беради”, - деган эди футболчи.

“Машъал” ФК – Муборак шаҳрининг профессионал футбол клубидир. Жамоага 1982 йилда асос солинган. Клуб Ўзбекистон чемпионатининг Олий лигасида ўйнайди. Ўтган 2014 йили жамоа миллий чемпионатда 5-ўринни эгаллаган.