Таъмир ишлари туфайли Тошкентнинг қатор кўчаларида транспорт ҳаракати вақтинчалик чекланди

Тошкент. 15 июн. ЎзТАГ – Таъмир ишлари туфайли Тошкентнинг қатор кўчаларида транспорт ҳаракати вақтинчалик чекланди, деб хабар беради Ўзбек телеграф агентлиги (ЎзТАГ) республика ИИВ матбуот хизматига асосланган ҳолда.
“2016 йил 15 июн куни Тошкент шаҳрининг қатор кўчаларида таъмирлаш ишлари олиб борилаётганлиги сабабли ҳаракат хавфсизлигини таъминлаш мақсадида транспорт воситаларининг ҳаракати вақтинча чекланган”, - дейилади хабарда.
Хусусан, транспорт воситаларининг ҳаракати Тараққиёт кўчаси – Мирзо Улуғбек кўчасидан Кичик ҳалқа автомобил йўлигача бўлган қисмида, шунингдек, Ўзбекистон шоҳ кўчаси – Фурқат кўчасидан Олмазор кўчасигача бўлган қисмида чекланган.
Бундан ташқари, Тошкент шаҳрининг қуйидаги кўчаларида таъмирлаш ва қурилиш ишлари олиб борилаётганлиги сабабли ҳаракат иштирокчиларидан эҳтиёткорлик чораларини кўришларини сўраймиз: Янги йўл ўтказгич қурилиши муносабати билан Муқимий кўчасининг – Шота Руставели ва Бунёдкор шоҳ кўчалари билан кесишган қисмида; Янги йўл ўтказгич қурилиши муносабати билан Муқимий ва Самарқанд дарвоза кўчалари кесишмасида (Оқтепа майдони); Мавжуд йўл ўтказгич таъмирланиши муносабати билан Кичик ҳақа автомобил йўли – Тараққиёт кўчаси кесишмасида.
Шунингдек, Моворауннахр кўчаси – Мустақиллик шоҳ кўчасидан Абдулла Қодирий кўчасигача бўлган қисмида; Мирзо Улугъбек шоҳ кўчаси – Дўрмон йўли кўчасидан Феруза кўчасигача бўлган қисмида; Феруза кўчаси – Мирзо Улуғбек шоҳ кўчасидан Юзрабод кўчасигача бўлган қисмида қатнов қисмига ётиқ чизиқлар чизилиши муносабати билан транспорт воситаларининг ҳаракати вақтинча чегараланади.