Таниқли собиқ ҳакам Балдасси Равшан Эрматовнинг Аргентина-Швейцария ўйинини олиб боришдан четлатилганлигидан ғазабга келди
Дата: 10:57, 02-07-2014.
Тошкент. 2 июл. ЎзТАГ – Аргентиналик собиқ ҳакам Балдасси ўзининг Twitterдаги микроблогида ФИФА Равшан Эрматовга бугунги Аргентина-Швейцария ўйинини олиб боришни ишониб топширганлиги, лекин аргентиналикларнинг норозилигидан кейин унинг алмаштирилганлиги ҳақида хабар қилди, деб хабар беради UzDaily.uz.
Натижада Эрматов Швециялик ҳакам Юнас Эрикссон билан алмаштирилган.
Эктор Балдасси ушбу қарорни танқид қилди ва европалик ҳакамни ушбу қитъа жамоаси ўйинига ҳакам қилиб тайинламаслик керак эканлигини қайд этди.
Айни пайтда у Равшан Эрматов футбол бўйича 2010 йилги жаҳон чемпионати чорак финалида Аргентина ва Германия ўйинига ҳакамлик қилганлигини эслатиб ўтди. Ўшанда аргентиналиклар 4:0 ҳисобида ютқазган эдилар.
Бундан ташқари, турк ОАВ хабарларига кўра, ФИФА Бразалиядаги жаҳон чемпионати финал ўйинини ишониб топшириши мумкин бўлган ҳакамлар доирасини аниқлаб бўлди.
Чемпионатнинг асосий ўйинини олиб боришга даъвогарлар орасида туркиялик Жюнейт Чакир, ўзбекистонлик Равшан Эрматов, португалиялик Педру Проэнса ва голландиялик Бьорн Куйперслар бор.
