Таниқли ўзбек дикторини ўлдириш факти бўйича иш якуний босқичга кирди
Тошкент. 14 май. ЎзТАГ – Таниқли ўзбек диктори Раҳматулла Мирзаевни ўлдириш факти бўйича иш якуний босқичга кирди, деб хабар беради Ўзбек телеграф агентлиги (ЎзТАГ).
Ўзбекстон Бош прокуратураси ўта оғир жиноятлар бошқармаси бошлиғи, юстиция маслаҳатчиси А.Назаровнинг “Даракчи” газетасига маълум қилишича, Ўзбекистон Миллий телерадиокомпанияси диктори Раҳматулла Мирзаевни ўлдириш бўйича жиноий иш Тошкент вилояти прокуратураси томонидан жорий йилнинг 2 мартида ЖК 97 моддаси иккинчни қисми, “ж” пункти бўйича очилган.
“Ушбу жиноий иш бўйича бошланғич тергов тадбирлари Бош прокуратуранинг ўта оғир жиноятлар бўйича бошқармаси томонидан давом эттирилди ва ҳозирда ниҳоясига етмоқда”, - деб таъкидлади Назаров.
Эслатиб ўтамизки, 2015 йилнинг 2 мартида тахминан соат 7.00 атрофида Ўзбекистон Миллий телерадиокомпанияси диктори Раҳматулла Мирзаевнинг жасади Зангиота туманидаги ўз уйидан зўрлаб ўлдириш аломатлари билан топилди. Тошкент вилояти прокуратураси ва ички ишлар органлари ходимлари томонидан ўтказилган тадбирлар натижасида ушбу қотиллик тезда очилган ва уни қилганликда гумон қилиб Зангиота тумани Чувалачи қийшлоғида истиқомат қилувчи 21 ёшли К.Шоазизов қўлга олинган эди.
1 март куни Раҳматилла Мирзаев Ўзбекистон халқ артисти Ғуломжон Ёқубовнинг юбилей концертида иштирок этган. Ёқубовнинг сўзларига кўра, Мирзаев концертдан қайтгандан кейин ўлдирилган. “Наркоманияда гумон қилинган ёш йигит Мирзаевни уч марта пичоқ билан урган ва ушланган пайтда унинг қўллари қон бўлган. У шкафда яширинган ҳолда топилган”, - деди Ёқубов таниқли дикторнинг ўлдирилиши ҳақида.
