Таниқли ўзбек футболчиси Александр Шадрин оламдан ўтди
Дата: 12:17, 24-06-2014.
Тошкент. 24 июн. ЎзТАГ – 22 июн куни эрта тонгда Ўзбекистон терма жамоаси ва пойтахтнинг “Локомотив” клубининг 26-ёшли хужумчиси Александр Шадрин бевақт оламдан ўтди, дея хабар беради Ўзбек телеграф агентлиги (ЎзТАГ).
“Ўзбекистоннинг энг истеъдодли футболчилари қаторида тилга олинадиган Александр Шадрин сўнгги бир неча ой давомида ошқозони билан боғлиқ хасталик билан курашиб келди. Афсуски, футболчи бу курашни енгиб ўта олмади ва 26 ёшида оламдан ўтди”, - дейилади мамлакат Футбол федерациясининг хабарида.
Ўзбекистон Футбол Федерацияси ва мамлакат футбол клублари Александр Шадриннинг бевақт ўлими сабаб футболчининг оила аъзоларига ва яқинларига чуқур таъзия изҳор қилдилар.
