Таниқли ўзбек футболчиси Одил Аҳмедов лондоннинг “Арсенал”ига ўтишни истаса-да, москванинг “ЦСКА” жамоаси ўйинчисига айланиши мумкин

Тошкент. 3 июнь. ЎзТАГ - Таниқли ўзбек футболчиси, Ўзбекистон терма жамоаси аъзоси Одил Аҳмедов лондоннинг “Арсенал”ига ўтишни истаса-да, москванинг “ЦСКА” жамоаси ўйинчисига айланиши мумкин, дея хабар беради Ўзбек телеграф агентлиги (ЎзТАГ).
Россия ОАВ хабарларига кўра, ЦСКА раҳбарияти Махачқалъанинг "Анжи" клуби ярим ҳимоячисини сотиб олишни ёки ижарага олишни режалаштирмоқда. Армиячилар 26 ёшли футболчини ижарага олиш ёки унинг трансфер ҳуқуқини тўла сотиб олиш борасида музокараларни обошлаб юборганлар. Футболчининг трансфер нархи 8 миллион еврога баҳоланмоқда.
ЦСКАнинг Аҳмедовга қизиқиш билдираётганига ушбу жамоа футболчилари Расмус Эльм ва Понтус Вернблумларнинг европа клубларига қайтишни истаётганликлари сабабдир.
Айни пайтда Россия чемпионлари таклифи Аҳмедовга билдирилаётган таклифлар орасида ягона эмас. Футболчига БАА клубидан молиявий жиҳатдан жуда яхши бўлган таклиф ҳам тушган. Бундан ташқари, қишда ярим ҳимоячига "Краснодар" ҳозир ЦСКА таклиф қилганидан ҳам кўпроқ таклиф этган эди.
Аҳмедовнинг “Анжи”дан кетиши кутилмоқда эди. Чунки жамоа премъер лигани тарк этди ва ёзда жамоани легионерлар тарк этади. Ҳозирда махачқалъаликлар сафида 9 нафар легионер бўлиб, лекин ПФЛ талабига кўра бир вақтнинг ўзида майдонда 3 нафар легионер ўйнаши мумкин холос.
"Анжи" учун Аҳмедовга нисбатан эгалик ҳуқуқини сақлаб қолган ҳолда уни ЦСКАга ижарага бериши ва кейинги мавсумда клуб Премьер-лигага қайтганида уни яна ўз сафига қайтариши энг мақбул вариантдир. Лекин ЦСКА ижарага олинган футболчилар билан камдан кам ишлайди.
2012 йилнинг майида интервьюларининг бирида Одил Аҳмедов лондоннинг “Арсенал”ида ўйнашни исташини маълум қилган эди. 2014 йилда Аҳмедовни лондонликлар ўз сафларида кўриш ниятида эканликлари ҳақида миш-мишлар пайдо бўлди. Бундан ташқари петербургнинг “Зенит”и ҳам ўзбек футболчисига қизиққан эди.