Ташқи меҳнат миграциячи агентлиги чет элда ишлашга боришни истовчиларнинг харажатларини эълон қилди
Тошкент. 22 сентябр. ЎзТАГ – Ташқи меҳнат миграцияси агентлигининг Самарқанд филиали чет элда ишлашга боришни истовчиларнинг харажатларини эълон қилди, деб хабар беради Ўзбек телеграф агентлиги (ЎзТАГ).
“Иш қидириш ва чиқиш ҳужжатларини расмийлаштириш қиймати энг кам иш ҳақининг тўрт баробари, яъни 600 минг сўм миқдорида белгиланган. Бўлажак муҳожирлар сафарга мослашиш ва ўқитиш марказида ўқиши мумкин. Польша ёки Россияга чиқувчилар учун ўқиш баҳоси 600 минг сўмга, Жанубий Корея 900 минг сўмга тенг”, деди Sputnik мухбири саволларига жавоб бера туриб Ташқи меҳнат миграцияси агентлиги Самарқанд филиали директори Абдуазиз Ҳафизов.
Таъкидланишича, таълим вақтида муҳожирлар ташриф буюриладиган давлатнинг қонун ва анъаналарини, мулоқот қилиш учун зарур даражада тилини ўрганадилар, иш хавфсизлиги ва меҳнат муҳофазаси талаблари ҳақида маълумот оладилар. Йил бошидан бери ушбу марказда қарийб 500 минг киши ўқитилди.
“Ҳозирги вақтда муҳожирлар тиббий кўрикдан ўтишлари керак. Бунинг учун 127 минг 500 сўм керак бўлади”, - дейди Хафизов.
Агар Ўзбекистон фуқароси Россияда ишлашни истаса, у патент учун ҳақ тўлаши керак бўлади. Бундан ташқари, иш жойига етиб бориш учун чипта сотиб олиши керак бўлади. Виза талаб қилинган мамлакатларда уни олиш ҳақини ҳам тўлаш керак бўлади.
“Албатта, барча мигрантлар юқорида кўрсатилган миқдордаги пулларга эга эмаслар. Шу боис агентлик ушбу муаммони ҳал қилиш учун молиявий институтлар ва иш берувчиларни жалб этишга ҳаракат қилмоқда. Ўзбекистон ва Россиянинг бир неча банклар ишчи борганидан кейин биринчи марта қайта тайёрлаш, таълим, яшаш ва чипталар харажатларини қоплаш учун қисқа муддатли кредитлар ажратиш истагини билдирди. Бундай ҳолатда, кредит иш ҳақидан ушлаб қолиш билан қопланади. Баъзи иш берувчилар ҳозирги пайтда патент харажатларини қоплашга ҳам тайёр. Келажакда бу маблағлар ҳам ходимларнинг иш ҳақидан олиб қолинади”, - деб таъкидлади Ташқи меҳнат миграцияси агентлигининг Самарқанд филиали раҳбари.
