Ташқи сиёсий муассасада Ўзбекистон президенти Ислом Каримовнинг Россияга ташрифига тайёргарликни муҳокама қилинди
Тошкент. 5 декабр. ЎзТАГ – Россия Федерацияси Ташқи ишлар вазири ўринбосари Григорий Карасин Ўзбекистон Республикаси Ташқи ишлар вазири Абдулазиз Камилов билан мамлакат президенти Ислом Каримовнинг Россияга ташрифига тайёргарликни муҳокама қилди, деб хабар қилади Россия ташқи сиёсий муассасаси.
Карасин вазир билан Тошкентда жума, 4 декабрда учрашди.
“Ўзбекистон Ташқи ишлар вазири А.Х.Камилов билан чрашув бўлиб ўтди, унинг доирасида икки томон алоқалари масалалари Ўзбекистон Республикаси президенти Ислом Каримовнинг Россия Федерациясига ташрифига тайёргарлик нуқтаи назаридан кўриб чиқилди”, - дейилади хабарда.
Томонлар турли даражадаги алоқаларнинг юқори жадаллиги ва бир қатор соҳаларда Россия-Ўзбекистон ўртасидаги ўзаро муносабатлар амалий вазифаларининг ечимини таъкидлаб ўтдилар. Бундан ташқари, дипломатлар минтақадаги хавфсизлик масалаларини ҳам муҳокама қилдилар.
“Ҳар икки томон Афғонистондаги вазиятнинг ёмонлашиши ва Марказий Осиё ҳудудидаги хавотирли тенденцияларнинг ошиши билан кучайиб бораётган террорчилик хавфига қарши кураш бўйича халқаро саъй-ҳаракатларни мувофиқлаштириш зарурлигини ёқлаб чиқдилар. Россия томони минтақа мамлакатлари билан тинчликнинг беқарорлашувига йўл қўймаслик мақсадида турли йўналишдаги ўзаро ҳаракатларга тайёргарлигини билдирди”, - деб қўшимча қилинади РФ ТИВ хабарида.
Эслатиб ўтамизки, Россия президенти Владимир Путин Ўзбекистон раҳбари Ислом Каримовни ШҲТ Уфадаги саммити доирасида Россияга расмий ташриф буюришга таклиф қилган эди. Ўшанда ташриф 2015 йилда амалга ошиши мумкинлиги таъкидланган эди.
