“Tashkent Open” Ўрта Осиё боулинг турнирининг IV босқичида Қозоғистонлик спортчи етакчиликни қўлга олди

Тошкент. 27 июн. ЎзТАГ – “Tashkent Open” Ўрта Осиё боулинг турнирининг IV босқичи биринчи куни мусобақалари ниҳоясига етди, дея хабар беради Ўзбек телеграф агентлиги (ЎзТАГ).
Мусобақада етакчиликни Астаналик меҳмон Илья Орлов эгаллаб олди. Ундан кейинги иккинчи ўринда Ўзбекистонннинг илғор боулингчиларидан бири Бахтиёр Далабаев бормоқда. Биринчи учликда яна алматилик Константин Ижболдин ҳам бор.
“Таъкидлаш керакки, Илья идеал натижага эришишига озгина қолди. Тўхтовсиз ўн марта страйк натижага эришган спортчи максимал 300 очко йиғиши мумкин эди, лекин сўнгги икки уринишда юқори натижа қайд этилмади. Натижада спортчи 287 очкони қўлга киритди. Ҳар ҳолда унинг ушбу натижасига биринчи куни бошқа ҳеч бир спортчи эриша олмади”, - деб таъкидлашди мамлакат Кегель спорти федерациясида.