Татаристон ва Тошкент вилояти ўртасида ҳамкорлик тўғрисидаги битим имзоланди
Тошкент. 28 май. ЎзТАГ – 24 май куни Татаристон Республикаси билан Тошкент вилояти (Ўзбекистон) ўртасида ҳамкорлик тўғрисидаги битим имзоланди, деб хабар беради Ўзбек телеграф агентлиги (ЎзТАГ).
Ҳужжат 2018 йилги Санкт-Петербург халқаро иқтисодий форуми доирасида имзоланди. Ҳужжатга Татаристон Республикаси Президенти Рустам Минниханов ва Ўзбекистон Республикаси Тошкент вилояти ҳокими Ғуломжон Ибрагимовлар имзо чекдилар.
Ушбу ҳужжат савдо-иқтисодий, илмий-техникавий, ижтимоий-маданий соҳаларда халқаро ва ташқи иқтисодий алоқаларни амалга оширишни назарда тутади. Р. Минниханов Татаристон Россия-Ўзбекистон муносабатлари доирасида Ўзбекистон билан алоқаларни ривожлантиришга катта аҳамият бераётганлигини таъкидлади.
2017 йилда товар айирбошлаш ҳажми қарийб 80%га ўсиб, $92 млнга етди.
Шу билан бирга Татаристон президенти савдо-иқтисодий алоқаларни янада ривожлантириш учун катта салоҳият мавжудлигини қайд этиб, имзоланган битим бу ишда ўз ҳиссасини қўшишига ишонч билдирди.
$1=7997,95 сўм
Сурат манбаи: http://www.tatar-inform.ru/news/2018/05/24/612641/