Telegram-каналлардаги сўров Ўзбекистондаги энг оммабоп телеканалларни аниқлади
Тошкент. 1 март. ЎзТАГ – 22-24 февралда Telegram-каналларда ўтказилган сўров Ўзбекистондаги энг оммабоп телеканалларни аниқлади, деб хабар беради Ўзбек телеграф агентлиги (ЎзТАГ).
Сўров натижаларига кўра, UzReport TV, Milliy TV ва MY5 энг оммабоп телеканаллар бўлиб чиқди. Таҳлиллар Telegramдаги кўпминг кишилик аудиторияга эга 7та каналларда ўтказилган. Тадқиқот натижасига кўра, кўнгилочар телеканаллар орасида томошабинларнинг энг кўп қисми Milliy TVни, ахборот каналлари орасида эса Uzreport TVни кўришларини билдиришган.
Интернетдаги овоз бериш натижалари сўровда қатнашланларнинг 36,6% Uzreport TVни, 17,8% Milliy TVни томоша қилишлари маълум бўлди, учинчи ўринни эса сўровчиларнинг 17,7% овози билан MY5 телеканали олди. Рейтингнинг кейинги поғоналарида Kinoteatr (9,3%), Yoshlar (4,8%), O’zbekiston (4,2%), Sport (3,0%) ва Zo’r TV (2,3%) телеканаллари эгаллашган.
Сўровнома турли ташкилотларнинг реклама кампаниялари фаолиятини самарали режалаштириш ниятида телетомошабинларнинг объектив муносабатини билиш мақсадида ўтказилди.
