Ўтган 11 ойда ўзбек банклари тадбиркорларга кредит бериш ҳажмларини 1,3 бараварга кўпайтирдилар

Тошкент. 25 декабр. ЎзТАГ – 2014 йилнинг 11 ойида Ўзбекистон банклари тадбиркорларга имтиёзли кредитлар бериш ҳажмини 8,6 трлн сўмга етказдилар. Бу, ўтган йилнинг муқобил давридагига қараганда 1,3 бараварга кўп демакдир, дея хабар беради Ўзбек телеграф агентлиги (ЎзТАГ).

Марказий банкдан хабар қилишларича, хусусан, микрокредитлар ҳажми 1,8 трлн сўмни ташкил қилган. Шу жумладан, касб-ҳунар коллежлари битирувчиларининг бинзес-лойиҳаларини молиялаштиришга 194 млрд сўм сарфланган, оилавий ва хусусий бизнесни ривожлантириш, ҳунармандчиликка 187,7 млрд сўм йўналтирилган.

Шунингдек, раҳбарлари аёллар бўлган ёки аёллар кўпчиликни ташкил қилган кичик корхоналарни қўллаб-қувватлаш учун 890,7 млрд сўм, қишлоқ жойларда 11 минг намунали уйларни қуришга 1,7 трлн сўм, республиканинг олис ҳудудларида фаолият юритаётган тадбиркорлик субъектларини қўллашга, паррандачилик, балиқчилик, асаларичилик ва иссиқхоналар ташкил қилишга 66,7 млрд сўм йўналтирилди. Бундан ташқари, ёш оилаларга 225,6 млрд сўм миқдорда имтиёзли ипотека кредитлари ажратилган.

$1 = 2418,2 сўм