Ўтган 9 ой давомида ЎзРТХАБда корпоратив харидлар бўйича битимлар ҳажми 263,2 млрд сўмни ташкил қилди

Тошкент. 10 октябр. ЎзТАГ – Жорий йилнинг 9 ойи давомида Ўзбек Республика товар хом-ашё биржаси (ЎзРТХАБ) электрон савдоларида корпоратив харидлар бўйича тузилган битимлар ҳажми 263,2 млрд сўмни ташкил қилди, дея хабар беради Ўзбек телеграф агентлиги (ЎзТАГ).

Биржадан хабар беришларича, савдолар жараёнида бошланғич нархларнинг пасайиши ҳисобига тежаб қолинган маблағлар ҳажми 49,4 млрд сўмни ёки харидлар бошланғич қийматининг 15,8% ташкил қилди.

Бугунда электрон аукцион савдо тизимида корпоратив харилар бўйча 3 минг атрофида буюртмачи ва 9 мингдан ошиқ етказиб берувчи рўйхатга олинган. Кейингиларнинг 93% кичик бизнес субъектларидир.

Корпоратив харидлар бўйича кичик бизнес улуши тузилган битимларнинг 96% ва улар умумий суммасининг 95,5% ташкил этди. Ушбу тоифа айниқса машинасозлик ва электротехника савдосида фаол.