Ўтган ҳафта Ўзбекистонда 276 ёнғин натижасида 2 киши вафот этиб, 3 киши жабрланди
Дата: 18:01, 02-10-2015.
Тошкент. 2 октябр. ЎзТАГ – Ўтган ҳафта Ўзбекистонда 276 ёнғин натижасида 2 киши вафот этиб, 3 киши жабрланди, деб хабар беради Ўзбек телеграф агентлиги (ЎзТАГ) республика ИИВ сайтидаги маълумотга асосланган ҳолда.
Маълумотда айтилишича, ёнғин бўлинмаларининг оператив ҳаракатлари натижасида 1 млрд 302 млн сўмдан ортиқ қурилиш конструкциялари ва 1 млрд 33 млн сўмга яқин моддий бойликлар ёнғиндан сақлаб қолинган.
ИИВ маълумотларига кўра, ёнғинларга электр симларнинг қисқа туташув, ёш болаларнинг шўхлиги ва очиқ оловдан фойдаланишда эхтиётсизлик сабаб бўлган.
$1 = 2621 сўм
