Ўтган йилда 877 янги корхоналар экспортчиларга айланди
Тошкент. 3 феврал. ЎзТАГ – 2016 йилда 877 ўзбек корхоналари экспорт фаолиятига жалб қилинди, деб хабар беради Ўзбек телеграф агентлиги (ЎзТАГ).
Хусусан, Бирлашган Араб Амирликлари, Ливан, Иордания, Ироқ, Гана, Сенегал, Кот-д`Ивуар, Сомали, Нигерияга енгил автомобиллар, Буюк Британияга куч агрегатлари ва двигателлар деталлари, Латвияга ғилдирак дисклари, Жанубий Кореяга автогенераторлар етказиб берилди.
Бундан ташқари, Япония ва ХХР вино маҳсулотлари, АҚШ ва Исроилга вино-ароқ маҳсулотлари, Туркманистонга қишлоқ хўжалик техникаси, Польшага углеводородлар аралашмалари, ХХР, Туркия ва Корея, Латвия ва Афғонистонга полиэтилен ва полипропилен жўнатилди.
Бундан ташқари, Швеция, Руминия, Болгария, Туркия, Индонезия, Молдова ва Озарбайжонга вино материаллари ва минерал ўғитлар, Беларус, Озарбайжонга спорт пойбзаллари, Полша ва Жанубий Кореяга чарм буюмлар ва бошқа маҳсулотлар экспорт қилинди.
Бу натижаларга экспортчи корхоналарни қўллаб қувватлаш, фермер хўжаликлари, кичик бизнес ва кичик тадбиркорликнинг экспортдаги иштирокини рағбатлантириш ҳисобига эришилди.
