Ўтган йили Ўзбекистонда $6,72 млрдлик қурилиш ишлари бажарилди

Тошкент. 17 март. ЎзТАГ – 2013 йилда Ўзбекистода 15,08 трлн сўмлик ($6,72 млрд) қурилиш ишлари бажарилди, бу 2012 йилдаги кўрсаткичга солиштирганда 16,6% кўп демакдир, дея хабар беради Ўзбек телеграф агентлиги (ЎзТАГ).
Ўзбекистон Давлат статистика қўмитаси маълумотига кўра, жами қурилиш ишларининг 79,5% янги қурилиш, реконструкция, кенгайтириш ва корхоналарни техник қайта жиҳозлашга, 19% капитал ва жорий таъмирга, ва қолган 1,5% бошқа пудрат ишларига тўғри керади.
Қурилиш ҳажми таркибига мулк шакллари кесимида назар солинса хусусий тармоқнинг улуши юқорилиги кўзга ташланади – 50,3% (2012 йилга солиштирганда 1% пасайиш), хўжалик бирлашмаларининг қурилиш ҳажми эса 28,3% (2012 йилдагига қараганда 0,7% пасайиш) тенг.
Лекин айни пайтда чет эл капитали мавжуд корхоналар улуши 1,3% ўсган ва умум қурилиш ҳажмининг 9,6% ташкил этган.