Ўтган йили Ўзбекистондан 2,5 мингдан ошиқ кўҳна буюмларни олиб чиқиб кетишга ҳаракат қилинди

Тошкент. 12 март. ЎзТАГ – Ўтган йили Ўзбекистон божхона постларида 2520 кўҳна буюмларни ноқонуний равишда чегарадан олиб ўтиш билан боғлиқ 89 уринишга чек қўйилди, дея хабар берида Ўзбек телеграф агентлиги (ЎзТАГ).
Пойтахт аэропорти ходимлари томонидан “Тошкент-Москва” рейси пассажирларининг багажи ва сумкаларини кўздан кечириш жараёнида Россия Федерацияси фуқароси Т. Таировнинг ёнидан декларацияда кўрсатилмаган 8 бадиий эскиз ва 12 фоторепродукция топилди. Экспертиза текшируви натижасида топилган буюмларнинг тарихий ва маданий аҳамиятга эгалиги ва уларни Ўзбекистондан олиб чиқиб кетиш мумкин эмаслиги аниқланди, - деб таъкидланади Давлат божхона қўмитаси хабарида.
Эслатиб ўтамиз, Ўзбекистонда 1998 йилднинг 1 ноябридан бошлаб амалда бўлган тартибга кўра, мамлакат ҳудудидан бундан эллик йил илгари яратилган маданий бойликларни олиб чиқиб кетиш мумкин эмас.