ТИВда бўлажак ўзбек-америка алоқалари муҳокама қилинди

Тошкент. 12 феврал. ЎзТАГ – Куни кеча Ўзбекистон Республикаси Ташқи ишлар вазири Абдулазиз Камилов Америка Қўшма Штатларининг Фавқулодда ва Мухтор Элчиси Памела Леора Спратленни қабул қилди, деб хабар Ўзбек телеграф агентлиги (ЎзТАГ).

ТИВ маълум қилишларича, суҳбат давомида 19-21-январ кунлари Вашингтон шаҳрида бўлиб ўтган сиёсий маслаҳатлашувларнинг олтинчи раунди ҳамда бошқа учрашув ва музокаралар якунлари юзасидан фикр алмашилди.

Шунингдек, учрашувда 2016-йилга мўлжалланган турли даражадаги Ўзбекистон-АҚШ учрашувлари жадвали ва кун тартиби муҳокама қилинди.

Эслатиб ўтамизки, ҳозирда ўзбек бозорида америка компаниялари иштирокида 190 атрофида корхона фаолият юритмоқда. Уларнинг 50 ортиғи 100% хорижий капиталга очилган. Шунингдек, 40 етакчи АКШ корпорациялари рўйхатга олинган.

1993-2014 йилларда АҚШнинг Халқаро ҳамкорлик агентлиги (USAID) Ўзбекистон Республикасига қиймати $356 млнлик техник кўмак кўрсатди.