Тошкент 2017 йилги сайёҳлик мавсумида МДҲнинг энг оммабоп шаҳарлари рейтингида бешинчи ўринни олди
Дата: 16:59, 21-06-2017.
Тошкент. 21 июн. ЎзТАГ – Тошкент 2017 йилги сайёҳлик мавсумида МДҲнинг энг оммабоп шаҳарлари рейтингида бешинчи ўринни олди, деб хабар беради Ўзбек телеграф агентлиги (ЎзТАГ).
Рейтинг ТурСтат таҳлилий агентлиги томонидан тузилган.
Ўзбекистон пойтахтидан юқорида Остона (Қозоғистон), Боку (Озарбайжон), Минск (Беларусь) ва Ереван (Арманистон), ундан қуйида эса Олмота (Қозоғистон), Кишинев (Молдова), Бишкек (Қирғизистон), Киев (Украина) ва Ашхабод (Туркманистон) шаҳарлари жойлашди.
Рейтинг меҳмонхоналарни онлайн банд қилиш тизимлари ва таклиф этилаётган турлар таҳлиллари асосида тузилган.
МДҲ сайёҳлари учун энг арзон шаҳарлар Бишкек ва Ашхобод, энг қимматлари эса – Остона ва Боку бўлиб чиқди.
