Тошкент аэропортида iPhone 11 Pro Max партиясини ноқонуний олиб кириш тўхтатилди
Дата: 15:55, 04-10-2019.
Тошкент. 4 октябрь. ЎзТАГ – Тошкент аэропортида iPhone 11 Pro Max партиясини ноқонуний олиб кириш тўхтатилди, дея хабар беради Ўзбек телеграф агентлиги (ЎзТАГ).
"Тошкент-АЭРО" ихтисослаштирилган божхона комплекси (ИБК) божхона ходимлари томонидан чет элдан келган фуқаро С.И.нинг юкига нисбатан божхона назорати белгиланган тартибда ўтказилди. Божхона текшируви натижасида фуқаро багажида божхона назоратидан яширилган, божхона декларациясида кўрсатилмаган 19 та iPhone 11 Pro Max смартфон топилган", - дейилади Давлат божхона қўмитаси (ДБҚ) матбуот хизмати хабарида.
Қайд этилганидек, айни пайтда аниқланган ҳуқуқбузарлик ҳолатлари юзасидан божхона текширувлари олиб борилмоқда.
Сурат манбаи: customs.uz
