Тошкент Ахборот технологиялари университетида дастурий ва техник ишланмалар кўргазмаси очилди
Тошкент. 17 март. ЎзТАГ – Бугун соат 10.00да Тошкент ахборот технологиялари университетининг (ТАТУ) спортмажмуида дастурий ва техник ишланмалар кўргазмаси очилди, дея хабар беради Ўзбек телеграф агентлиги (ЎзТАГ) пойтахт ОЎМ сайтига асосланган ҳолда.
“Университет истеъдодли талабалари, магистрантлари ва профессор-ўқитувчилари таркибининг дастурий ва техникишланмалари кўргазмаси “Дастурий инжиниринг” ва “Телекоммуникацион технологиялар” факультетлари билан биргаликда ташкил этилган. Кўргазманинг биринчи кунида унга вазирлик, муассасалар, корхона ва ташкилотлар вакиллари, иккинчи кунида эса олий ва ўрта махсус касб-ҳунар таълими ўқув муассасалари ва ОАВ вакиллари ташриф буюрадилар. Кўргазма якунлари 18 март соат 15.00да ТАТУнинг мажлислар залида бўлиб ўтиб, бу ерда энг яхши дастурий ва техник ишланмалар муаллифлар тақдирланади”, – деб таъкидлашди университет матбуот хизматида.
