Тошкент автомобилчилари жарималарни онлайн тарзда тўлашлари мумкин
Тошкент. 30 март. ЎзТАГ – Эндиликда Тошкентда йўл ҳаракати қоидаларини бузганлик учун жарималарни онлайн тарзда тўлашлари мумкин, деб хабар беради Ўзбек телеграф агентлиги (ЎзТАГ).
Ушбу янги хизмат “Алоқабанк” акционерлик-тижорат банки томонидан жорий этилди.
“Эндиликда “AlPay” фойдаланувчилари йўл ҳаракати қоидалари бузилиши оқибатида жорий қилинадиган жарималарни уйдан чиқмаган ҳолда, ўзларининг мобил телефонлари орқали тўлашлари мумкин”, - дейилади банк хабарида.
“Бунинг учун “Хизматлар тўловлари” – “Давлат ва коммунал тўловлари” – “Жарималарни тўлаш” бўлимларига кириш талаб этилади. Сўнгра почтадан келган қарор рақамини ҳамда тўлов суммаси киритилади. Маълумотлар текширилганидан кейин (жарима тури, қарор рақами ва бошқалар.) ҳамда тўлов тасдиқланганидан сўнг жаримага тўловни амалга ошириш мумкин”, - дейилади шундан кейин хабарда.
10 000 сўмдан оз бўлмаган тўловни бир мартадан бутунлай ёки қисман, “AlPay” мобил тизимига киритилган бир нечта пластик карталар орқали амалга ошириш мумкин.
Эслатиб ўтамизки, 15 мартдан Тошкент кўчаларида йўл ҳаракати қоидалари бузилишларини қайд этувчи видео кузатув камералари ишлай бошлади. ЙҲҚ бузганлик учун жарималар авто эгаларига почта орқали етказиб берилмоқда.
