Тошкент бозорларида тўхташ қоидаларининг бузилиши қайд этувчи камералар ўрнатилмоқда
Тошкент. 9 июль. ЎзТАГ – Тошкент бозорларида тўхташ қоидаларининг бузилиши қайд этувчи камералар ўрнатилмоқда, дея хабар беради Ўзбек телеграф агентлиги (ЎзТАГ).
"10 июлдан Тошкентнинг бир нечта машҳур бозорлари ёнидаги йўллар бўйлаб тўхташ ва тўхтаб туриш қоидалари бузилганлигини қайд этувчи автоматлаштирилган фото ва видеокамералар ишга тушади. Мисол учун, Чилонзор туманининг Тошкент ҳалқа автомобил йўлида ўзидаёқ 3.27 белгини менсимаганларни қайд этишга мўлжалланган 4 та стационар автоматлаштирилган камералар ўрнатилган ("тўхташ тақиқланган" – транспорт воситалари тўхташ ва тўхтаб туриши тақиқланади – ЎзТАГ)", - дейилади Тошкент Ички ишлар бош бошқармаси матбуот хизмати хабарида.
Қайд этилганидек, "Тошкент савдо маркази", "Бек Тўпи", "Чилонзор буюм бозори", "Ўрикзор" бозорлари йўлларида автоматлаштирилган тизим ўрнатилган бўлиб, Тошкент шаҳар ИИББ ЙҲХБ ходимлари томонидан бу йўналишдаги ишлар давом эттирилади.
"Ўрнатилган камералар 360 градусга айлана олади. Автомобил мумкин бўлмаган жойда тўхтаганидан сўнг, видеокамера автоматик равишда (инсон иштирокисиз) вақтни ва ҳуқуқбузарнинг давлат рақамини қайд этади. Онлайн режимда маълумотлар AutoCon-SC/M дастурий таъминоти жарима солиш тўғрисидаги қарорни тузадиган базага йўналтирилади ва уни "Ўзбекистон почтаси" АЖга жарима тўлаш зарурлиги тўғрисида хатлар чоп этиш ва жўнатиш учун юборади", – дейилади хабарда.
Эслатиб ўтамиз, ЎзР маъмурий жавобгарлик тўғрисидаги кодексининг 128-6-моддасига мувофиқ 3.27 белгиси остида машина тўхташи ЭКИҲнинг 3 баравари миқдорида жарима (608190 сўм миқдорида жарима) солишга сабаб бўлади.
Сурат манбаи: iibb.uz
